ރޯދަމަހު ކޮންމެ ގޭބިސީއަކަށް 48 ދަޅުގެ މަސްދަޅު ކޭހެއް
ރޯދަ މަހު ކޮންމެ ގޭބިސީއަކަށް ސަރުކާރުން ދޭ އިނާޔަތެއްގެ ގޮތުގައި 48 ދަޅުގެ މަސްދަޅު ކޭހެއް ދޫކުރާނެ ކަމަށް މިފްކޯ އިން ބުނެފި އެވެ.
އަންނަ ރޯދަމަހު ކޮންމެ ގޭބިސީއަކަށް ސަރުކާރުގެ ހަރަދު މަސްދަޅު ކޭހެއް ދޭން ނިންމިކަން އިއުލާނުކުރެއްވީ ސަރުކާރަށް އެއް އަހަރު ފުރުމުގެ މުނާސަބަތުގައި ބޭއްވި ޖަލްސާގައި ރައީސް ޑރ. މުހައްމަދު މުއިއްޒު އެވެ.
އެ ޖަލްސާގައި ރައީސް މުއިއްޒު ވިދާޅުވީ ރޯދަ މަހު ކޮންމެ ގޭބިސީއަކަށް މަސްދަޅު ކޭހެއް ދިނުމަށް ވާންޖެހޭ ތައްޔާރީތައް އެސްޓީއޯ މެދުވެރިކޮށް ވަމުންދާ ކަމަށެވެ.
މިފްކޯ އިން ބުނީ އާންމުކޮށް އުފައްދާ އަދަދަށްވުރެ އިތުރަށް ލައްކައެއްހާ މަސްދަޅު މި ރޯދަ މަހު އުފައްދަންޖެހޭ ކަމަށާއި އެކަމަށް ތައްޔާރުވަމުން އަންނަ ކަމަށެވެ.
