ހުޅުމާލޭގައި 2100 ހައުސިން ޔުނިޓް އަޅަނީ
ސޯޝަލް ހައުސިންގެ ދަށުން ހުޅުމާލޭގައި 2،100 ހައުސިން ޔުނިޓް އިމާރާތްކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނިންމައިފި އެވެ.
މިއީ ބޯހިޔާވަހިކަމުގެ މައްސަލަ ހައްލުކުރުމުގެ ރިޔާސީ ވައުދާއި އެއްގޮތަށް ހުޅުމާލޭގައި އިޖުތިމާއީ ބޯހިޔާވަހިކަމުގެ އިތުރު ދެ މަޝްރޫއު ކުރިއަށް ގެންދަން ނިންމާފައިވާ ކަމެއް ކަމަށް އެޗްޑީސީ އިން ބުނެ އެވެ.
މި މަޝްރޫއުގެ ދަށުން އިމާރާތްކުރަން ހަމަޖެހިފައިވަނީ ދެ ކޮޓަރި އަދި ތިން ކޮޓަރީގެ ސޯޝަލް ހައުސިން އެޕާޓްމަންޓްތަކެވެ.
މި މަޝްރޫއުގެ ތެރެއިން ދިވެހި ވިޔަފާރިތަކަށް ފުރުސަތު ލިބޭ ގޮތަށް ކޮމާޝަލް ޔުނިޓުތައްވެސް ގާއިމުކުރާނެ ކަމަށް އެޗްޑީސީ އިން ބުނެ އެވެ.
