ސްމާޓް ހޯމް ކިޓެއް ލިބޭ ޕްރޮމޯޝަނެއް ދިރާގުން ފަށައިފި

ސްމާޓް ހޯމް ކިޓެއް ލިބޭ ޕްރޮމޯޝަނެއް ދިރާގުން އިއުލާނުކޮށްފި އެވެ.

ދިރާގުން ބުނި ގޮތުގައި މިއީ އެ ކުންފުނީގެ ހުރިހާ ކަސްޓަމަރުންނަށްވެސް ވަރަށް ފަސޭހައިން ބައިވެރިވުމުގެ ފުރުސަތު އޮތް ޕްރޮމޯޝަނެކެވެ.

އެގޮތުން ދިރާގު ޕްރިޕެއިޑް، ޕޯސްޓްޕެއިޑް އަދި ފައިބަ ބްރޯޑްބޭންޑް ކަސްޓަމަރުންނަށް އެންމެ 200 ރުފިޔާ ނުވަތަ އެއަށް ވުރެ ގިނައިން ބިލު ދައްކައިގެން ނުވަތަ ރިޗާޖުކޮށްގެން މި އަގުހުރި އިނާމު ހާސިލްކުރުމުގެ ފުރުސަތު ވަނީ ހުޅުވާލާފަ އެވެ.

މި ޕްރޮމޯޝަން ކުރިއަށްދާނީ މިމަހުގެ ނިޔަލަށެވެ.

މިއީ ގޭތެރޭގެ ރައްކާތެރިކަން ކަށަވަރުކުރުމަށް ވަރަށް މުހިއްމު އަދި ބޭނުންތެރި ވަސީލަތްތައް ހިމަނައިގެން ދިރާގުގެ ކަސްޓަމަރުންނަށް ހުޅުވާލަފައިވާ ޕްރޮމޯޝަނެއް ކަމަށް ދިރާގުން ބުންޏެވެ.

ދިރާގުން ދޭ ސްމާޓް ހޯމް ކިޓުގައި ހިމެނޭ ތަކެތީގެ ތެރޭގައި

އައުޓްޑޯ ކެމެރާ

އިންޑޯ ކެމެރާ

ޑޯބެލް ކެމެރާ

ދިރާގު އޮރެންޖެ ބޮކްސް

ދިރާގުން ދަނީ މިފަދަ ޕްރޮމޯޝަންތައް ހިންގައި، ދިރާގު ކަސްޓަމަރުންނަށް އެންމެ ފަހުގެ ވަސީލަތްތައް އެންމެ ހެޔޮ އަގުގައި ފޯރުކޮށްދެމުންނެވެ.