ދައުލަތުގެ އާމްދަނީ ހަ ޕަސެންޓް އިތުރު

ދައުލަތަށް މި އަހަރުގެ މިހާތަނަށް ލިބުނު އާމްދަނީ ހަ ޕަސެންޓް އިތުރުވެއްޖެ އެވެ.

ފިނޭންސް މިނިސްޓްރީން އާންމުކުރި ފީކްލީ ފިސްކަލް ޑިވެލޮޕްމަންޓް ރިޕޯޓްގައިވާ ގޮތުން މިމަހުގެ 12 ވަނަ ދުވަހުގެ ނިޔަލަށް އާމްދަނީ އާއި ހިލޭ އެހީގެ ގޮތުގައި ދައުލަތަށް 16.9 ބިލިއަން ރުފިޔާ ލިބުނެވެ.

މީގެ ތެރެއިން 77 ޕަސެންޓް -- 13.1 ބިލިއަން ރުފިޔާއަކީ ޓެކްސް އާމްދަނީ އެވެ. ޓެކްސް-ނޫން އާމްދަނީގެ ގޮތުގައި މި އަހަރު 3.7 ބިލިއަން ރުފިޔާ ލިބުނުއިރު ހިލޭ އެހީގެ ގޮތުގައި 100 މިލިއަން ރުފިޔާ ލިބުނެވެ.