ކެންދޫ ގޮނޑުދޮށް ހިމާޔަތްކޮށްފި

ބ. ކެންދޫ ގޮނޑުދޮށް ހިމާޔަތް ކުރުމުގެ މަޝްރޫއު ނިންމިއްޖެ އެވެ.

ޕްލޭނިން މިނިސްޓްރީން އެމްޓީސީސީއާ ހަވާލުކޮށްގެން ކުރިއަށް ގެންދިޔަ އެ މަޝްރޫއަކީ 41.1 މިލިއަން ރުފިޔާގެ މަޝްރޫއެކެވެ.

އެމްޓީސީސީ އިން ބުނީ އެ މަޝްރޫއުގެ ދަށުން 1200 ކިއުބިކް މީޓަަރުގެ ފަތާ ސަރަހައްދެއް ފުންކުރުމާއި 803 މީޓަރުގެ ސަރަހަައްދެއްގައި ބޭރުތޮށިލުމާއި 110 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި 90 މީޓަރުގެ ސަރަހައްދެއްގައި ގްރޮއިންސް ޖެހުމުގެ މަސައްކަތް ހިމެނޭ ކަމަށެވެ.

މަޝްރޫއު ނިމުމުން ކެންދޫ ރަށް ގިރުމުން ހިމާޔަތްކުރެވިފައިވާ ކަމަށް އެމްޓީސީސީން ބުނެފައިވެ އެވެ.