ޕްރޮމޯޝަންގެ ލޯންޗް ބަނުމުގެ މަސައްކަތް ކުރިއަށް

ދިރާގުގެ ވިން އަ ސްޕިޑްބޯޓް ޕްރޮމޯޝަންގެ އަލް ޝާލީ މެރިން، "މަޖެލަން 32"  ބޯޓު ބަނުމުގެ މަސައްކަތް މިހާރު ކުރިއަށްދާ ކަމަށް ދިރާގުން ބުނެފި އެވެ.

އަލް ޝާލީ މެރިން، "މަޖެލަން 32" ސްޕީޑްބޯޓަކީ އަލް ޝާލީ މެރިން މޯލްޑިވްސްއިން ފަރުމާކުރަމުންދާ ލޯންޗެކެވެ.

ދިރާގުން ބުނީ ލޯންޗުގެ ގިނަ މަސައްކަތްތަކެއް ނިމިފައިވާ ކަމަށާއި ކުރިއަށް އޮތް ދުވަސްތަކުގައި ބޯޓު ބަނުމުގެ މަސައްކަތް ނިމޭނެ ކަމަށެވެ.

އަލް ޝާލީ މެރިން މޯލްޑިވްސްގެ ޖެނެރަލް މެނޭޖާ، އިސްމާއިލް ޝަރީފް ވިދާޅުވީ "މަޖެލަން 32" ލޯންޗު ފަދަ ހިތްގައިމު ސްޕީޑްބޯޓެއް ދިރާގު ކަސްޓަމަރުންނަށް ގެނެސްދިނުމަކީ ލިބޭ ވަރަށް ބޮޑު އުފަލެއް ކަމަށެވެ.

މި ލޯންޗުގައި އަރާމު ޑެކަކާއި، ހިތްފަސޭހަ ކެބިންއަކާއި ބޭނުންކުރެވޭ ބަދިގެއެއް ވެސް ހިމެނޭ ކަމަށް ދިރާގުން ބުންޏެވެ. މިއީ ދުއްވާލަން ނުވަތަ ޕިކްނިކް ދަތުރު ދިޔުމަށާއި އާއިލާއާއެކު މަސް ދަތުރު ދިޔުމަށް ވެސް ވަރަށް ފުރިހަމަ ބޯޓަކަށްވާނެ ކަމަށް ދިރާގުން ބުންޏެވެ.

މި ލޯންޗާއެކު، މި ޕްރޮމޯޝަންގެ ނަސީބުވެރި ފަރާތަކަށް ޔަމަހާއިން މި ލޯންޗަށް ބޭނުންވާ 175 ހޯސްޕަވަރުގެ ދެ އައުޓްބޯޑް އިންޖީނުވެސް ލިބޭނެ އެވެ.