ކެލާ އާއި ކާށިދޫ ފަޅުގައި ރިސޯޓު ތަރައްގީކުރަނީ

ހއ. ކެލާ އާއި ކ. ކާށިދޫ ފަޅުގައި ޓޫރިސްޓް ރިޒޯޓް ތަރައްގީކޮށް ހިންގާނެ ބަޔަކު ހޯދަން އިއުލާނުކޮށްފި އެވެ.

ޓޫރިޒަމް މިނިސްޓްރީން ވަނީ ހއ. ކެލާގެ ފަޅުގައި ދެ ރިޒޯޓު އަދި ކ. ކާށިދޫ ފަޅުގައި ރިޒޯޓެއް ތަރައްގީކޮށް ހިންގާނެ ބަޔަކު ހޯދަން ބީލަމަށް ހުޅުވާލާފަ އެވެ.

ކެލާ ފަޅުގައި ތަރައްގީކުރާ އެއް ރިސޯޓަކީ 156.2 ހެކްޓަރު (12.19 ހެކްޓަރުގެ ރަށެއް ހިއްކުމަށްފަހު) ތަރައްގީކުރާ ރިސޯޓެކެވެ.

ކެލާ ފަޅުގައި ތަރައްގީކުރާ އަނެއް ރިސޯޓަކީ 169.3 ހެކްޓަރު (12.19 ހެކްޓަރުގެ ރަށެއް ހިއްކުމަށްފަހު) ތަރައްގީކުރާ ރިސޯޓެކެވެ.

ކާށިދޫ ފަޅުގައި ތަރައްގީކުރާ ރިސޯޓަކީ 115.2 ހެކްޓަރު (10 ހެކްޓަރުގެ ރަށެއް ހިއްކުމަށްފަހު) ތަރައްގީކުރާ ރިސޯޓެކެވެ.