ހަރަދު 41 ބިލިއަނަށް

ލޯނުތައް ދެއްކުމަށް ކުރި ހޭދައާއެކު ދައުލަތުގެ ބަޖެޓުން މި އަހަރު 41 ބިލިއަން ރުފިޔާ ހަރަދުކޮށްފި އެވެ.

ފިނޭންސް މިނިސްޓްރީގެ ވީކްލީ ފިސްކަލް ޑިވެލޮޕްމަންޓް ރިޕޯޓް ދައްކާ ގޮތުން ލޯނުތައް ދެއްކުމަށް ކުރި ހޭދައާއެކު މިމަހުގެ ހަތް ވަނަ ދުވަހުގެ ނިޔަލަށް ޖުމްލަ 41.59 ބިލިއަން ރުފިޔާ ހޭދަކޮށްފައިވެ އެވެ.

މި އަދަދު މިދިޔަ އަހަރުގެ މި މުއްދަތުގައި ހުރީ 41.2 ބިލިއަން ރުފިޔާގަ އެވެ.

ލޯނަށް ކުރި ހޭދަ ނުހިމަނައި ދައުލަތުގެ ހަރަދު މި އަހަރުގެ މި މުއްދަތުގައި ހުރީ 39.5 ބިލިއަން ރުފިޔާގަ އެވެ.

މީގެ ތެރެއިން 28.1 ބިލިއަން ރުފިޔާ -- 71 ޕަސެންޓަކީ ރިކަރަންޓް ހަރަދެވެ.