ރަސްމާލެ ހިއްކަނީ -- ފޮޓޯ: އެޗްޑީސީ
ލޯނު ދައްކަން 2 ބިލިއަން
ލޯނުތައް ދައްކަން މި އަހަރު ދެ ބިލިއަން ރުފިޔާ ހޭދަކޮށްފި އެވެ.
ފިނޭންސް މިނިސްޓްރީގެ ވީކްލީ ފިސްކަލް ޑިވެލޮޕްމަންޓް ރިޕޯޓް ދައްކާ ގޮތުން މިމަހުގެ 14 ވަނަ ދުވަހުގެ ނިޔަލަށް ލޯނުތައް ދެއްކުމަށް 2.07 ބިލިއަން ރުފިޔާ ހޭދަކޮށްފައިވެ އެވެ.
މިދިޔަ އަހަރުގެ މި މުއްދަތުގައި ލޯނުތައް ދެއްކުމަށް ހޭދަކުރީ 1.94 ބިލިއަން ރުފިޔާ އެވެ.
ލޯނުތައް ދެއްކުމަށް ކުރި ހޭދަ ހިމެނޭ ގޮތަށް މިއަހަރުގެ ބަޖެޓުން މިހާތަނަށް ޖުމްލަ 42.4 ބިލިއަން ރުފިޔާ ހަރަދުކޮށްފައިވެ އެވެ. މިދިޔަ އަހަރުގެ މި މުއްދަތުގައި ދައުލަތުގެ ޖުމްލަ ހަރަދު ހުރީ 41.8 ބިލިއަން ރުފިޔާގަ އެވެ.
