ވިލިމާލޭގައި ބަހުގެ ހިދުމަތްދޭން ތައްޔާރުވެއްޖެ
ވިލިމާލޭގައި ބަހުގެ ހިދުމަތް ދިނުމަށް އެމްޓީސީސީ އިން ތައްޔާރުވެއްޖެ އެވެ.
އެމްޓީސީސީ އިން ބުނި ގޮތުގައި ވިލިމާލޭގައި އެ ހިދުމަތް ދިނުމަށް ބޭނުންކުރަނީ ތިމާވެއްޓާއި ރައްޓެހި – އިލެކްޓްރޮނިކް ވެހިކަލް (އީވީ) ބަހެވެ. އެގޮތުން ހަ ބަސް ބޭނުންކުރާނެ އެވެ.
މި ބަސްތަކުގައި 11 މީހުންނަށް އިށީންދެ ތިބެވޭނެހެން ސީޓު ހަރުކޮށްފައިވާއިރު އިތުރު ހަތަރު މީހުންނަށް ކޮޅަށް ތިބެވޭނެ ޖާގަ އޮންނާނެ އެވެ.
އެމްޓީސީސީ އިން ބުނި ގޮތުގައި މިމަހުގެ 20 ވަނަ ދުވަހު ބަހުގެ ހިދުމަތް ފެށުމަށް ދަނީ ތައްޔާރުވަމުންނެވެ.
