ފޮޓޯ: އެމްޓީސީސީ
ހެންވޭރު ޓާމިނަލް ލޯންޗް ފެރީތަކަށް ހުޅުވާލައިފި
އަތޮޅުތަކުން މާލެއަށް ދަތުރުކުރާ ލޯންޗު ފެރީތަކަށް ހެންވޭރު ފެރީ ޓާމިނަލް ހުޅުވާލައިފި އެވެ.
ހެންވޭރު ފެރީ ޓާމިނަލްގައި މިއަދު ބޭއްވި ރަސްމިއްޔާތެއްގައި އެމްޓީސީސީގެ މެނޭޖިން ޑިރެކްޓަރު (ރިޓަޔަޑް) ޑެޕިއުޓީ ކޮމިޝަނާ އޮފް ޕޮލިސް އަހުމަދު ސައުދީ ވިދާޅުވީ ހެންވޭރު ފެރީ ޓާމިނަލަކީ ހުޅުލޭގެ އިތުރުން ކްރޮސްރޯޑަށް ދަތުރުކުރާ ފެރީތައް ބޭނުންކުރާ ޓާމިނަލެއް ނަމަވެސް އަތޮޅުތަކުގެ ލޯންޗްތަކުގެ ޝެޑިއުލް ލިބުމުން އެވަގުތުތަކަށް އެތަނުން ފަސޭހައިން ހިދުމަތް ލިބޭނެ ކަމަށެވެ.
ހެންވޭރު ފެރީ ޓާމިނަލަށް އެއް ފަހަރާ ފަސް ލޯންޗް ކައިރި ކުރެވޭނެ ޖާގަ ހަމަޖައްސާފައިވާއިރު ހުޅުމާލޭ ޓާމިނަލުން އެއްފަހަރާ ތިން ލޯންޗު ކައިރި ކުރެވޭނެ ޖާގަ ވަނީ ހަމަޖައްސާފަ އެވެ.
