ރަށެއްގައި ވެމްކޯގެ މުވައްޒަފުން -- ފޮޓޯ: ވެމްކޯ
ރަށްރަށުގައި ކުނީގެ ފީ ކަރަންޓު ބިލަށް
އަތޮޅުތަކުގައިވެސް އަންނަ އަހަރުން ފެށިގެން ކުނީގެ ފީ ބިލް ކަރަންޓު ބިލުގައި ހިމަނަން ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ނިންމައިފި އެވެ.
ދައުލަތުގެ މީޑިއާ ޕީއެސްއެމްގައި ވާހަކަ ދައްކަވަމުން ވެމްކޯގެ ސަދަން އޮޕަރޭޝަންސްގެ މެނޭޖިން ޑިރެކްޓަރު އަހުމަދު ޝާފިއު ވިދާޅުވީ މާލެ ސަރަހައްދުގައި ކަރަންޓު ބިލްގައި ކުނީގެ ފީ ހިމަނާފައިވާ ގޮތަށް ވެމްކޯ އިން ހިދުމަތް ދޭ ހުރިހާ ރަށެއްގައި ޖެނުއަރީ ފުރަތަމަ ދުވަހުން ފެށިގެން ކަރަންޓު ބިލްގައި ކުނީގެ ފީ ހިމަނަން ނިންމާފައިވާ ކަމަށެވެ.
ހދ. ކުޅުދުއްފުށި، ގދ. ތިނަދޫ، ލ. ފޮނަދޫ އަދި ކ. މާފުށީގައި މިވަގުތު ވެމްކޯ އިން ހިދުމަތް ދެމުން ދަނީ ހިލޭކަން ފާހަގަކުރައްވާ އޭނާ ވިދާޅުވީ ޖެނުއަރީ ފުރަތަމަ ދުވަހުން ފެށިގެން އެ ރަށްރަށުން ކަރަންޓު ބިލްގައި ހިމަނައިގެން ކުނީގެ ފީ ނަގާނެ ކަމަށެވެ.
