ސޮނާކްޝީ އޭނާގެ އެޕާޓްމަންޓް ވިއްކާލަނީ

ބޮލީވުޑްގެ އެކްޓްރެސް ސޮނާކްޝީ ސިންހާ، ބަންޑްރާގައި ހުންނަ އޭނާގެ އެޕާޓްމަންޓް ވިއްކާލަން ނިންމައިފި އެވެ.

އެ ގޮތުން ރިއަލް އެސްޓޭޓް އެޖެންސީއަކުން ވަނީ 4،200 އަކަފޫޓުގެ އެ އެޕާޓްމަންޓްގެ ފޮޓޯ އާއި ވީޑީއޯތައް އާންމުކޮށްފަ އެވެ. މި އެޕާޓްމަންޓް ވިއްކާލަން ލިސްޓުކޮށްފައިވަނީ 25 ކްރޯޑް ރުޕީސްއަށެވެ.

ކުރިން ހަތަރު ކޮޓަރި ހުރި މި އެޕާޓްމަންޓަށް ބަދަލުތަކެއް ގެނެސް މިހާރު ވަނީ ދެ ކޮޓަރިއަށް ބަދަލުކޮށްފަ އެވެ.

މި އެޕާޓްމަންޓަކީ ސޮނަކްޝީ އާއި އޭނާގެ ފިރިމީހާ ޒަހީރުގެ ކައިވެނީގެ ޖަލްސާ ބޭއްވި ތަނެވެ.