ރިލީޒްކުރި ދުވަހު "ސާހޯ" ލީކްކޮށްލައިފި

އިއްޔެ ރިލީޒްކުރި ފިލްމް، "ސާހޯ" ލީކްކޮށްލައިފިއެވެ. މި ފިލްމްވެސް ލީކްކޮށްލާފައިވަނީ، މީގެ ކުރިންވެސް ގިނަ ފިލްމްތަކެއް ލީކްކޮށްލުމުގެ ރެކޯޑް އޮތް "ޓެމިލްރޮކާސް" އިންނެވެ.

ތިން ބިލިއަން އިންޑިއަން ރުޕީސްގެ ބަޖެޓަކުން އުފެއްދި މި ފިލްމްގެ ކާސްޓުންގެ ތެރޭގައި ޝްރައްދާ ކަޕުރާއި ޕްރަބާސް އާއި ނީލް ނިތިން މުކޭޝް އާއި އަރުޖުން ވިޖޭގެ އިތުރުން ޗަންކީ ޕާންޑޭ ހިމެނެއެވެ.

ޔޫވީ ކްރިއޭޝަންސް އިން ޕްރޮޑިއުސްކޮށް ޓީ ސީރީސް އިިން ގެނެސްދޭ މި ފިލްމްގެ ޑައިރެކްޓަރަކީ ސުޖީތެވެ.

ފިލްމް ލީކްކޮށްލުމުން އޭގެ ނޭދެވޭ އަސަރު ފިލްމްގެ ވިޔަފާރިއަށް ކުރާނެ ކަމަށް ވަނީ ބެލެވިފައެވެ.

ހޮލީވުޑާއި ބޮލީވުޑްގެ ގިނަ ފިލްްމްތަކެއް، "ޓެމިލްރޮކާސް" އިން ވަނީ ލީކްކޮށްލާފައެވެ. "ޓެމިލްރޮކާސް" އިން ލީކްކޮށްލި ބަައެއް ފިލްމްތަކުގެ ތެރޭގައި: "އެވެންޖާސް: އެންޑްގޭމް" އާއި "ސުޕާ 30" އާއި "ދަ ލަޔަން ކިންގް" އާއި "ގުލީ ބޯއީ" އަދި ފިލްމް 2.0 ހިމެނެއެވެ.