ދިރާގު ޓީވީގެ ވީޑިއޯ އޮން ޑިމާންޑަށް ނިކަލޯޑިއަން
ދިރާގު ޓީވީގެ ވީޑިއޯ އޮން ޑިމާންޑް (ވީއޯޑީ) މެދުވެރިކޮށް، ކުޑަކުދިންގެ މަގުބޫލު ޓީވީ ޗެނަލް ނިކަލޯޑިއަންގެ ޝޯތައް މިހާރު ބަލާލެވޭނެއެވެ.
ބައިނަލްއަގުވާމީ ފެންވަރުގައިވެސް މަގުބޫލު ޓީވީ ޗެނަލް، ނިކަލޯޑިއަންއަކީ ވައިކޮމް އިންޓަނޭޝަނަލް މީޑިއާ ނެޓްވޯކްސްގެ ދަށުން ހިިންގަމުން އަންނަ ޗެނަލެކެވެ. ނިކަލޯޑިއަން އިން ގެނެސްދޭ ޝޯތަކުގެ ތެރޭގައި: ސްޕޮންޖްބޮބް، ޑޯރާ ދި އެކްސްޕްލޯރާ، ދަ ތަންޑަމޭންސް ހިމެނެއެވެ.
ދިރާގު ޓީވީގެ ވީއޯޑީ ޕްލެޓްފޯމްގެ ކޮންޓެންޓް، ދިރާގު ޓީވީގެ "ހޯމް ސްކްރީން" ގައިވާ "ވީއޯޑީ" ބަޓަނަށް ފިއްތާލުމުން ބަލާލެވޭނެ ކަމަށް ދިރާގުން ބުނެއެވެ.
މިހާރު ކުރިއަށް ގެންދާ ހާއްސަ ޕްރޮމޯޝަނެއްގެ ދަށުން ދިރާގު ޓީވީގެ ވީއޯޑީ ހިދުމަތް، ދިރާގު ޓީވީގެ "އިންޓްރޯ އޮފާ" އަދި ބޭސިކް ޕެކޭޖް" ނަންގަވާފައިވާ ކަސްޓަމަރުންނަށް މިއަހަރުގެ ނިޔަލަށް ހިލޭ ބޭނުން ކުރެވޭނެއެވެ.
ދިރާގު ޓީވީގައި 60 އަށްވުރެ ގިނަ ޓީވީ ޗެނަލް ހިމެނެއެވެ. އޭގެ ތެރޭގައި ރާއްޖޭ ޓީވީ ޗެނަލްތަކާއި އިނގިރޭސި އަދި ހިންދީ މުނިފޫހިފިލުވުމުގެ ޗެނަލްތަކާއި ކުޅިވަރުގެ ޓީވީ ޗެނަލްތައްވެސް ހިމެނެއެވެ. ދިރާގު ޓީވީ ޗެނަލްގެ ހިދުމަތް ވަނީ ރާއްޖޭގެ އެކިކަންކޮޅުތަކަށް ފުޅާކޮށްފައެވެ.
