ސްކޫލު ދަރިވަރުންނަށް ދިރާގުން ބައިސްކަލު މުބާރާތެއް ބާއްވަނީ

ދިރާގާއި ބައިކް މޯލްޑިވްސް ގުޅިގެން ރާއްޖޭގެ ސްކޫލްތަކުގެ ދަރިވަރުންނަށް އަމާޒުކޮށްގެން ބައިސްކަލް މުބާރާތެއް ބޭއްވުމަށް ނިންމައިފިއެވެ.

"މަމެން އިންޓަރ ސްކޫލް ބައިކް ޗެމްޕިއަންޝިޕް" ގެ ނަމުގައި ބާއްވާ އެ މުބާރާތް އޮންނާނީ އަންނަ ހުކުރު އަދި ހޮނިހިރު ދުވަހު ހުޅުމާލޭ ބައިކް ޓްރެކްގައެވެ.

މިއަހަރުގެ މުބާރާތުގައި ތަފާތު 25 ރޭހެއް، ތިން އުމުރު ފުރާގެ މެދުގައި ކުރިއަށްދާނެއެވެ. އެއީ 14 އަހަރުން ދަށް، 16 އަހަރުން ދަށް، އަދި 18 އަހަރުން ދަށުގެ އުމުރު ފުރާއެވެ. ކޮންމެ އުމުރުފުރާއެއްގައި ވެސް ފިރިހެން އަދި އަންހެން ބައި ކުރިއަށްދާނީ ވަކިވަކިންނެވެ.

މިއީ ދިރާގާއި ބައިކް މޯލްޑިވްސް އިން މި މުބާރާތް ބާއްވާ ދެވަނަ އަހަރެެވެ.