އިތުރު ޑެއިލީ ޑޭޓާއާއިއެކު ދިރާގު ސަޅި ޕްރީޕެއިޑް މިހާރު މާ ސަޅި!

ދިރާގުގެ ސަޅި ޕްރީޕެއިޑް ކަސްޓަމަރުންނަށް އިތުރު ޑެއިލީ ޑޭޓާ ލިބޭ ޕްރޮމޯޝަނެއް މިހާރު ހުޅުވާލާފައިވާ ކަމަށް ދިރާގުން ބުނެފިއެވެ.

މި ޕްރޮމޯޝަންގެ ދަށުން 'ސަޅި 2 ވީކްސް' އަދި 'ސަޅި މަންތުލީ' ގެ ނަމުގައި ދެ ޕްލޭނެއް ކަސްޓަމަރުންނަށް ނެގޭނެއެވެ.

މިގޮތުން 'ސަޅި 2 ވީކްސް' ޕްލޭންއިން ކަސްޓަމަރުންނަށް ދެ ހަފްތާއަށް 4 ޖީބީ ޑެއިލީ ޑޭޓާ އެންމެ 265 ރުފިޔާއަށް ލިބޭނެއެވެ. އަދި 'ސަޅި މަންތުލީ' ޕްލޭންއިން ހަމައެކަނި 495 ރުފިޔާއަށް 150 ޖީބީ ޑޭޓާ އެއް މަހަށް ލިބޭނެ ކަމަށް ދިރާގުން ބުނެފައިވެއެވެ.

މި ދެ ޕްލޭނުންކުރެ ކޮންމެ ޕްލޭނަކުންވެސް ކަސްޓަމަރުންނަށް ހުރިހާ ދިރާގު ނަމްބަރުތަކަށް އަންލިމިޓެޑްކޮށް ގުޅާލެވޭނެއެވެ. އަދި އެއް އެކްޓިވޭޝަނުން އިތުރު ޑޭޓާ ލިބުމުގެ ފުރުޞަތު ލިބިގެންދާނެ ކަމަށް ދިރާގުން ބުނެފައިވެއެވެ.

ދިރާގު ސަޅި ޕްރީޕެއިޑް، ކަސްޓަމަރުންނަށް ދިރާގު އެޕް މެދުވެރިކޮށް ނުވަތަ 343 އަށް 'ސަޅި 2 ވީކްސް' އަށް ނަމަ ‘S1GB14’  ނުވަތަ 'ސަޅި މަންތުލީ' އަށް ނަމަ ‘S1GB30’  ޖަހާފައި އެސްއެމްއެސް ކޮށްލައިގެންވެސް މި އެޑް-އޮން ނެގޭނެއެވެ.

ދިރާގުން ބުނި ގޮތުގައި އެ ކުންފުނިން އަބަދުވެސް މަސައްކަތް ކުރަމުން ދަނީ ތަފާތު ގިނަ އައު އޮފާރތައް ހެޔޮ އަގުގައި ކަސްޓަމަރުންނަށް ގެނެސްދިނުމަށެވެ.