މޯލްޑިވް ގޭހުން ރޯދަ މަހު ހިދުމަތް ދޭ ގަޑިތައް އާންމުކޮށްފި

މޯލްޑިވް ގޭހުން، މި ރޯދަ މަހު ހިދުމަތް ދޭ ގަޑިތައް އާންމުކޮށްފިއެވެ.

އެ ކުންފުނިން ހާމަކުރި ގޮތުގައި ހުކުރު ދުވަހު ހިދުމަތް ދޭނީ 13:30 އިން 15:00 އަށް އަދި 20:30 އިން 22:30 އަށެވެ. ހަފުތާގެ އެހެން ދުވަސްތަކުގައި ހިދުމަތް ދޭނީ 11:00 އިން 15:00 އަށް އަދި ރޭގަނޑު 20:30 އިން 22:30 އަށެވެ.

މޯލްޑިވް ގޭހުގެ ކޯލް ސެންޓަރުގެ ނަންބަރު 1616 އަދި މޯލްޑިވް ގޭހުގެ ވެބްސައިޓް މެދުވެރިކޮށް، ގޭހަށް އޯޑަރު ކުރެވޭނެ ކަމަށް މޯލްޑިވް ގޭހުން ވަނީ ބުނެފައެވެ. ގޭހަށް އޮންލައިންކޮށް ފައިސާ ދެއްކޭނެ އިންތިޒާމު މޯލްޑިވް ގޭހުން ވަނީ ހަމަޖައްސާފައެވެ.

ރާއްޖޭގައިވެސް ކޮވިޑް-19 ފެތުރެމުންދާއިރު، ރައްކާތެރިކަމުގެ ފިޔަވަޅެއްގެ ގޮތުން ނަގުދު ފައިސާގެ ބަދަލުގައި އޮންލައިންކޮށް ފައިސާ ދެއްކުމަށް މޯލްޑިވް ގޭހުން އެދެއެވެ.