މޯލްޑިވިއަން އިން 11533 ކިލޯގެ ޕެރިޝަބަލް މުދާ ގެނެސްފި

މޯލްޑިވިއަން އިން 11533 ކިލޯގެ ޕެރިޝަބަލް މުދާ، ރޭ ރާއްޖެ ގެނެސްފިއެވެ.

ގައުމީ އެއާލައިން، މޯލްޑިވިއަން އިން ހާމަކުރި ގޮތުގައި ޕެރިޝަބަލް މުދާ ރާއްޖެ ގެނެސްފައިވަނީ ބެންކޮކުންނެވެ.

ކޮވިޑް-19 އާ ގުޅިގެން މޯލްޑިވިއަން އިން ދަނީ ސިއްހީ ސާމާނާއި ޕެރިޝަބަލް މުދާ ރާއްޖެއަށް ގެނައުމަށް ދަތުރުތަކެއް ކުރަމުންނެވެ. އެގޮތުން ދުބާއީ، އިންޑިއާ، ސްރީލަންކާ އަދި ބެންކޮކުން ރާއްޖެއަށް މުދާ ގެނެސްފައިވެއެވެ.

ސްރީލަންކާ އާއި އިންޑިއާގައި ތިބި ބައެއް ދިވެހިން ރާއްޖެ ގެނައުމަށް މޯލްޑިވިއަން އިން ވަނީ ދަތުރުތަކެއްކޮށްފައެވެ. އަދި ރާއްޖޭގައި ތިބި ތައިލެންޑްގެ ރައްޔިތުންގެ ތެރެއިން 131 މީހަކު ތައިލެންޑަށް ގެންދިއުމަށް މޯލްޑިވިއަން އިން އިއްޔެ ފްލައިޓެއް ބާއްވާފައިވެއެވެ.

ކޮވިޑް-19 ގެ ހާލަތުގައި މޯލްޑިވިއަން އިން މިހާތަނަށްކުރި ބައެއް ކާގޯ ދަތުރުތައް:

15 އެޕްރީލް 2020: ޗެންނާއީ އިން 7760 ކިލޯގެ ކާގޯ

16 އެޕްރީލް 2020: ބެންކޮކް އިން 8520 ކިލޯގެ ކާގޯ

17 އެޕްރީލް 2020: ދުބާއީ އިން 5000 ކިލޯގެ ކާގޯ (މީގެ ތެރޭގައި ގިނައީ ސިއްހީ ސާމާނު)

21 އެޕްރީލް 2020: ކޮލަމްބޯ އިން 8225 ކިލޯގެ ކާގޯ

22 އެޕްރީލް 2020: ޓްރިވެންޑްރަމް އިން 11357 ކިލޯ އަދި ޗެންނާއީ އިން 11864 ކިލޯގެ ކާގޯ

23 އެޕްރީލް 2020: ބެންކޮކް އިން 8284 ކިލޯގެ ކާގޯ

26 އެޕްރީލް 2020: ކޮލަމްބޯ އިން 9810 ކިލޯގެ ކާގޯ

27 އެޕްރީލް 2020: ދުބާއީ އިން 6237 ކިލޯގެ ޕެރިޝަބަލް އަދި ސިއްހީ ސާމާނު

29 އެޕްރީލް 2020 ޓްރިވެންޑްރަމް އިން 16598 ކިލޯގެ އެސެންޝިއަލް މުދާ

30 އެޕްރީލް 2020 ބެންކޮކް އިން 7383 ކިލޯގެ ޕެރިޝަބަލް މުދާ

3 މޭ 2020: ކޮލަމްބޯ އިން 15062 ކިލޯގެ މުދާ