އެޒްރާ، ފްލޭޝްގެ ރޯލުން
ފްލޭޝްގެ އިންތިޒާރުގައި ތިބި މީހުންނަށް އުފާވެރި ޚަބަރެއް
ސުޕަހީރޯ ފިލްމް، "ދަ ފްލޭޝް" ގެ އިންތިޒާރުގައި ތިބި މީހުންނަށް އޮތީ އުފާވެރި ޚަބަރެކެވެ. ވާނާ ބްރޯސް އިން މިވަނީ މި ފިލްމް ރިލީޒްކުރާނެ ކަމުގެ ޔަގީންކަން ދީފައެވެ.
ފިލްމްގައި "ފްލޭޝް" ގެ ރޯލު ކުޅޭ އެކްޓަރު އެޒްރާ މިލާ، މާރާމާރީއެއްގެ މައްސަލައިގައި މިއަހަރުގެ އެޕްރީލް މަހުގެ ތެރޭގައި ދެ ފަހަރު ހައްޔަރުކުރިއެވެ. އެއާއެކު، ފިލްމްގެ އިންތިޒާރުގައި ތިބި މީހުން، ތިބީ ފިލްމަށް ވާނެ ގޮތަކާމެދު ސުވާލު އުފެދިފައެވެ.
އިންވެސްޓަރުންނާއި ފިލްމްގެ ބެލުންތެރިންނަށް ވާނާ ބްރޯސް އިން ދިން ޔަގީން ކަމަކީ ފިލްމް ރިލީޒްކުރާނެ ކަމެވެ. ވާނާ ބްރޯސް، ޑިސްކަވަރީގެ ސީއީއޯ ޑޭވިޑް ބުނި ގޮތުގައި ފިލްމް ރިލީޒްކުރާނީ އަންނަ އަހަރުގެ ޖޫން މަހުގެ 23 ވަނަ ދުވަހުއެވެ.
