ބަތަލާ ރެޗެލް ޒެގްލާ - ފޮޓޯ އިންސްޓަގްރާމް
ޑިޒްނީއިން "ސްނޯ ވައިޓެއް" ހޯދައިފި
ޑިޒްނީއިން އަންނަނީ ކުރީގެ ކާޓޫންތައް، ލައިވް-އެކްޝަން ފިލްމްތަކުގެ ގޮތުގައި ނެރެމުންނެވެ. އެ ލިސްޓަށް މިހާރު އިތުރުވެފައި މިވަނީ "ސްނޯ ވައިޓް" އެވެ
ސްނޯ ވައިޓްގެ ރޯލު ކުޅޭނެ ބަތަލާއެއް، ޑިޒްނީއިން މިހާރު މިވަނީ ހަމަޖައްސާފައެވެ. އެ ރޯލަށް ހަމަޖަައްސާފައިވަނީ، ރެޗެލް ޒެގްލާއެވެ. އުމުރުން 20 އަހަރުގެ ރެޗެލްގެ ކުރިއަށްހުރި ފިލްމްތަކުގެ ތެރޭގައި މިއަހަރުގެ ޑިސެމްބަރު މަހު ނެރުމަށް ހަމަޖެހިފައިވާ، ސްޓީވެން ސްޕީލްބާގްގެ ފިލްމް "ވެސްޓް ސައިޑް ސްޓޯރީޒް" ހިމެނެއެވެ.
ރިޕޯޓްތައް ބުނާ ގޮތުން ސްނޯ ވައިޓްގެ ޕްރޮޑަކްޝަންގެ މަސައްކަތް ފަށާނީ 2022 ވަނަ އަހަރުއެވެ. ފިލްމްގެ ޑައިރެކްޓަރަކަށް ހަމަޖައްސާފައިވަނީ މާކް ވެބްއެވެ.
