"އެކުއަމޭން" ގެ ސީކުއެލްއަކީ ބޮޑު ފިލްމަކަށްވާނެ: ޖޭސަން

މިދިޔަ އަހަރު ރިލީޒްކުރި ބްލޮކްބަސްޓާ ފިލްމް، "އެކުއަމޭން" ގެ ސީކުއެލްއަކީ ބޮޑު ފިލްމަކަށް ވާނެ ކަމަށް "އެކުއަމޭން" ގެ ރޯލު ކުޅޭ ޖޭސަން މޮމޯއާ ބުނެފިއެވެ.

ހޮލީވުޑްގެ ނޫހަކަށް ދިން އިންޓަވިއުއެއްގައި ޖޭސަން ބުނީ، ކުރިން ނޭނގޭ އަދި ޝައުގުވެރި ގިނަ ކަންތައްތަކެއް ސީކުއެލް ފިލްމުން އެނގިގެންދާނެ ކަމަށެވެ.

ފިލްމް އުފައްދާ ފަރާތަށް އޭނާގެ ހިޔާލުވެސް ހުށަހަޅާފައިވާކަން ފާހަގަކޮށް ޖޭސަން ބުނީ ފިލްމް އުފައްދާ ފަރާތައް އެ ހިޔާލު ކަމުގޮސްފައިވާ ކަމަށެވެ.

މިދިޔަ އަހަރު ރިލީޒްކުރި "އެކުއަމޭން" އަށް ވަނީ ބޮކްސް އޮފީހުގައި 1 ބިލިއަން ޑޮލަރަށްވުރެ ބޮޑު އާމްދަނިއެއް ލިބިފައެވެ.

"އެކުއަމޭން 2" ރިލީޒްކުރުމަށް ހަމަޖެހިފައިވަނީ 2022 ވަނަ އަހަރުއެވެ. މި ފިލްމްވެސް ޑައިރެކްޓްކުރާނީ މި ފްރެންޗައިޒްގެ ފުރަތަމަ ފިލްމް ޑައިރެކްޓްކުރި ޖޭމްސް ވަން އެވެ.