ކާރު އެކްސިޑެންޓެއްގައި ކެވިން ހަރޓްއަށް ބޮޑެތި އަނިޔާތަކެއް ލިބިއްޖެ
މަޝްހޫރު ކޮމީޑިއަން ކެވިން ހާރޓްސް ދަތުރުކުރަމުންދިޔަ ކާރު އެކްސިޑެންޓްވެ، އޭނާއަށް ވަރަށް ބޮޑަށް އަނިޔާވެއްޖެއެވެ.
އެކްސިޑެންޓް ހިނގާފައިވަނީ ރޭ ކެލިފޯނިއާގައެވެ. އެކްސިޑެންޓް ހިނގީ ކެވިންގެ ޑްރައިވަރާއި ކެވިން އަދި އަންހެނަކު، ކެވިންގެ ކާރުގައި ދަތުރުކުރަނިކޮށް ކޮންޓްރޯލު ނުވެ ހިނގި ހާދިސާއެއްގައެވެ.
މި މައްސަލަ ތަހުގީގު ކުރަމުންދާއިރު، ކެލިފޯނިއާގެ ފުލުހުން ބުނާ ގޮތުގައި އެކްސިޑެންޓް ހިނގި ވަގުތު ޑްރައިވަރު އިނީ މަސްތުގެ ހާލަތުގައި ނޫންކަން މިހާރު ވަނީ ކަށަވަރުވެފައެވެ.
އެކްސިޑެންޓްގައި ކެވިން އާއި ޑްރައިވަރުގެ މައިބަދައަށް ބޮޑެތި އަނިޔާތަކެއް ވަނީ ލިބިފައެވެ. ކާރުގައި ދެން އިން އަންހެން މީހާއަށް މާބޮޑު އަނިޔާއެއް ނުލިބެއެވެ.
ރިޕޯޓްތައް ބުނާ ގޮތުން އެކްސިޑެންޓަށްފަހު ޑްރައިވަރު އިނީ ކާރުގައި ތާށިވެފައެވެ. ޑްރައިވަރު ސަލާމަތްކުރުމަށް ރެސްކިއު ޓީމްތަކުން ވަނީ ކާރުގެ ބައެއް ކީހާލާފައެވެ. ޑްރައިވަރަށާއި ކެވިންއަށް މިހާރު ހޮސްޕިޓަލުގައި ދަނީ ފަރުވާ ދެމުންނެވެ.
އެކްސިޑެންޓްވި ކާރަކީ، ކެވިން އޭނާގެ އުފަންދުވަސް ފާހަގަކުރުމަށް އަމިއްލައަށް ގަތް ކާރެކެވެ.
