"ބެލް ބޮޓަމް" ރިލީޒްކުރާ ތާރީހު އިއުލާނުކޮށްފި

އަކްޝޭ ކުމާރް ލީޑް ރޯލުން ފެނިގެންދާ ސްޕައި ތުރިލާ ފިލްމް، "ބެލް ބޮޓަމް" ރިލީޒްކުރުމަށް ހަމަޖެހިފައިވާ ތާރީހު އިއުލާނުކޮށްފިއެވެ.

ކޮވިޑް-19 ގެ ސަބަބުން، މި ފިލްމް ރިލީޒްކުރާ ތާރީހަށް މީގެ ކުރިންވެސް އެކިފަހަރު މަތިން ބަދަލު ގެނެސްފައިވެއެވެ. އަކްޝޭ ކުމާރް ހާމަކުރި ގޮތުގައި، "ބެލް ބޮޓަމް" ރިލީޒްކުރާނީ އަންނަ މަހުގެ 27 ވަނަ ދުވަހުއެވެ. ފިލްމް ރިލީޒްކުރާނީ ސިނަމާތަކުގައި ކަމަށްވެސް އަކްޝޭ ވަނީ ބުނެފައެވެ.

އަސީމް އަރޯރާ އާއި ޕެރްވޭޒް ޝައިހާންދް ލިޔެފައިވާ ވާހަކައަކަށް އުފައްދާފައިވާ މި ފިލްމްގެ ޑައިރެކްޓަރަކީ ރަންޖީތު ތިވާރީއެވެ. މި ފިލްމްގެ އިތުރު ކާސްޓުންގެ ތެރޭގައި ވާނީ ކަޕޫރާއި ހުމާ ގްރޭޝީ އަދި ލާރާ ދައްތާ ހިމެނެއެވެ.

މިދިޔަ އަހަރުގެ ތެރޭގައި ފިލްމްގެ ޝޫޓިން، އިނގިރޭސިވިލާތުގައިވެސް ކުރިއަށް ގެންގޮސްފައިވެއެވެ.