"ހީރޯޕަންތީ 2" އަށް ނަވާޒުއްދީން
ޓައިގާ ޝްރޮފް ލީޑް ރޯލުން ފެނިގެންދާ ފިލްމް، "ހީރޯޕަންތީ 2" ގެ ކާސްޓަށް އެކްޓަރު ނަވާޒުއްދީން ސިއްދީގް ގުޅިއްޖެއެވެ.
މި ފިލްމަކީ ނަދިއަދުވާލާ ގްރޭންޑްސަން އެންޓަޓެއިންމެންޓްއިން ޕްރޮޑިއުސްކޮށް، އަހުމަދު ޚާން ޑައިރެކްޓްކުރާ ފިލްމެކެވެ. ފިލްމްގެ އިތުރު ކާސްޓުންގެ ތެރޭގައި ބަތަލާ ތާރާ ސުތާރިއާ ހިމެނެއެވެ.
ރިޕޯޓްތައް ބުނާ ގޮތުން މުމްބާއީގައި ކުރިއަށް ގެންދިއުމަށް ހަމަޖެހިފައިވާ ފިލްމްގެ މަސައްކަތްތައް، އިންޑިއާގެ ކޮވިޑް-19 ގެ ދެވަނަ ރާޅުގެ ކުރިން ވަނީ ނިންމާލެވިފައެވެ. ކޮވިޑް-19 އާ ގުޅިގެން އިންޑިއާގައި މިހާރު އަޅާފައިވާ ފިޔަވަޅުތަކަށް ލުއި ދިނުމުން، ފިލްމްގެ އެހެން މަސައްކަތްތައް ކުރިއަށް ގެންދިއުމަށް ވަނީ ނިންމާފައެވެ.
މި ފިލްމްގެ ފުރަތަމަ ބަޔަކީ ސަބީރު ޚާން ޑައިރެކްޓްކޮށް، 2014 ވަނަ އަހަރު ރިލީޒްކުރި ފިލްމް "ހީރޯޕަންތީ" އެވެ. ރިޕޯޓްތައް ބުނާ ގޮތުން "ހީރޯޕަންތީ 2" ރިލީޒްކުރުމަށް ހަމަޖެހިފައިވަނީ މިއަހަރުގެ ޑިސެމްބަރު މަހުގެ ތިންވަނަ ދުވަހުއެވެ.
