ސެލީނާ ގޯމޭޒް - ފޮޓޯ ފޭސްބުކް
ސެލީނާ ބޭނުންވަނީ މަންމައަކަށްވާން
މަންމައަކަށްވާން ބޭނުންވާ ކަމަށް މަޝްހޫރު ލަވަކިޔުންތެރިޔާ ސެލީނާ ގޯމޭޒް ބުނެފިއެވެ.
އުމުރުން 30 އަހަރުގެ ސެލީނާ ބުނީ، އެކްޓިން ދާއިރާ ދޫކޮށްލުމަށްފަހު ބޭނުންވަނީ ކައިވެންޏެއްކޮށް މަންމައަކަށްވުމަށް ކަމަށެވެ. ޕޮޑްކާސްޓެއްގައި ވާހަކަ ދައްކަމުން ސެލީނާ ބުނި ގޮތުގައި އޭނާ ބޭނުންވަނީ ދާއިރާއާ ދުރަށް ޖެހިލުމަށްފަހު އަމިއްލަ ދިރިއުޅުމާމެދު ވިސްނުމަށެވެ.
ސެލީނާ ދަނީ އޭނާގެ އުމުރުން އަށް އަހަރުގެ ކޮއްކޮ ބަލަހައްޓަމުންނެވެ. ދަރިއަކު ނެތް ނަމަވެސް، ކޮއްކޮ ބެލުމަކީ ބެލެނިވެރިއެއްގެ އިހުސާސް ކުރެވޭ ކަމެއް ކަމަށާއި ބެލެނިވެރިއަކަށް ވެވޭނެ ކަމުގެ އިތުބާރު ބޮޑުވެފައިވާ ކަމަށްވެސް ސެލީނާ ވަނީ ބުނެފައެވެ.
ލަވަކިޔުމުގެ އިތުރުން ސެލީނާ ވަނީ ބައެއް ފިލްމްތައްވެސް ކުޅެފައެވެ. އޭގެ ތެރޭގައި "އަނަދަ ސިންދްރެއްލާ ސްޓޯރީ" ހިމެނެއެވެ.
