ޑާކްރެއިންގެ "އުއްމީދު"، "ބައިސްކޯފު" އެޕަށް
ޑާކްރެއިން އެންޓަޓެއިންމެންޓް އިން 2008 ވަނަ އަހަރު ގެނެސްދިން ކުރު ފިލްމް "އުއްމީދު"، މިހާރު ބައިސްކޯފް އެޕް މެދުވެރިކޮށް ބަލައިލެވޭނެއެވެ.
ހޮރޯ ސަސްޕެންސް ތްރިލާ މި ފިލްމަކީ އަލީ ޝިފާއު ލިޔެ، ޑައިރެކްޓްކޮށްފައިވާ ފިލްމެކެވެ. ފިލްމްގެ ޕްރޮޑިއުސަރަކީ މުހައްމަދު އަލީ (މޮގާ) އެވެ.
މި ފިލްމްގެ ކާސްޓުންގެ ތެރޭގައި މުހައްމަދު މަނިކު، ޝީލާ ނަޖީބް، އަހުމަދު އާސިމް، އިބްރާހިމް ޖިހާދު އަދި ހަމްދާން ފާރޫގު ހިމެނެއެވެ.
ޑާކްރެއިން އެންޓަޓެއިންމެންޓް އިން ވަނީ، އެ ސްޓޫޑިއޯ އިން މިދިޔަ އަހަރު އުފެއްދި ފިލްމް "ވަކިން ލޯބިން" ވެސް "ބައިސްކޯފް" އަށް ދާދިފަހުން ލާފައެވެ.
