18 އަހަރަށްފަހު ސައިފް އާއި އާމިރް އެއް ފިލްމަކުން
މީގެ 18 އަހަރު ކުރިން ރިލީޒްކުރި ފިލްމް، "ދިލް ޗާހަތާ ހޭ" ގެ ފަހުން ސައިފް އަލީ ހާނާއި އާމިރް ހާން އެއް ފިލްމަކުން އެކުގައި ފެނިފައިނުވެއެވެ. ނަމަވެސް މިހާރު ކާސްޓިންގެ މަސައްކަތް ކުރިއަށްދާ "ވިކްރަމް ވޭދާ" އަށް ދެ ތަރިންވެސް ވަނީ އެއްބަސްވެފައެވެ.
"ވިކްރަމް ވޭދާ" އަކީ ހަމަ މިނަން ކިޔާ ތަމިލް ފިލްމެއްގެ ހިންދީ ރިމޭކް ފިލްމެކެވެ. ހިންދީ ފިލްމުވެސް ޑައިރެކްޓް ކުރަން ހަމަޖެހިފައި ވަނީ ތަމިލް ފިލްމު ޑައިރެކްޓުކުރި ގަޔަތްރީ ޕުޝްކަރެވެ. ފިލްމުގައި ނުބައިބައި ރޯލުން އާމިރް ޚާން ފެނިގެންދާއިރު، ސައިފް އަލީ ޚާން ފެނިގެންދާނީ ރަނގަޅު މީހެއްގެ ރޯލުންނެވެ.
ފިލްމުގެ މަސައްކަތް އަންނަ އަހަރުގެ މާޗް މަހު ފެށުމަށް ހަމަޖެހިފައިވާއިރު މި ފިލްމް ރިލީޒްކުރާނެ ތާރީހެއް އަދި ހާމައެއް ނުކުރެއެވެ.
އާމިރް ހާން މިހާރު މަސައްކަތް ކުރަމުންދާ ފިލްމު "ލާލް ސިންގް ޗައްޑާ" އަކީ އިނގިރޭސި ފިލްމެއް ކަމަށްވާ "ފޮރެސްޓް ގަމްޕް"ގެ ހިންދީ ރީ-މޭކް އެކެވެ.
