ޓައިގާއަށް އަނިޔާވުމުން ފަރުވާ ދެނީ
ފުޓްބޯޅަ ކުޅެން އުޅެނިކޮށް ޓައިގާއަށް އަނިޔާވެއްޖެ
ފުޓްބޯޅަ ކުޅެން އުޅުމުގެ ތެރޭގައި، އިންޑިއާ އެކްޓަރު ޓައިގާ ޝްރޮފްއަށް އަނިޔާވެއްޖެއެވެ.
އެކްޓަރު ޓައިގާ ޝްރޮފްއަށް އަނިޔާވެފައިވަނީ މުމްބާއީގައި އާދިއްތަ ދުވަހު ކުޅުނު ސެލެބްރިޓީ ފުޓްބޯޅަ މެޗެއްގައެވެ. ޓައިގާއާއެކު ފުޓްބޯޅަ ކުޅެން އުޅުނު މީހުންގެ ތެރޭގައި އަރުޖުން ކަޕޫރް، އަހާން ޝެޓީ އަދި ޝޫޖިތު ސަރްކާރް ހިމެނެއެވެ.
ޓައިގާއަށް އަނިޔާވުމާއެކު، އެ ވަގުތު އެތަނުގައި ހުރި ޑޮކްޓަރަކު ވަނީ ޓައިގާއަށް ފަރުވާދޭން ފަށާފައެވެ. ޓައިގާއަށް ފަރުވާ ދިނުމަށް ޑޮކްޓަރު މަސައްކަތްކުރާއިރު ގާތުގައި ދިޝާ ޕަތާނީ ހުންނަ މަންޒަރު ފެންނަ ފޮޓޯތަކެއް ދަނީ އާންމުވެފައެވެ.
އިންޑިއާގެ ބައެއް ނޫސްތަކުން ރިޕޯޓްކޮށްފައިވާ ގޮތުން ޓައިގާއަށް ލިބުނީ ކުޑަ އަނިޔާއެކެވެ. ޓައިގާއަށް އެކަނި ހިނގާ އުޅެވޭ ކަމަށްވެސް ރިޕޯޓްތައް ބުނެއެވެ.
