ފިލްމް "ޗަޕާކް" އަށް 11 ކްރޯޑް ރުޕީސް
ބަތަލާ ދީޕިކާ ޕަދުކޯން ލީޑްރޯލުން ފެނިގެންދާ ފިލްމް "ޗަޕާކް" އަށް ދެ ދުވަހުން ލިބުނު އާމްދަނީ 11.67 ކްރޯޑް ރުޕީސްއަށް އަރައިފިއެވެ.
ހުކުރު ދުވަހު ރިލީޒްކުރި މި ފިލްމަކީ އެސިޑް ހަމަލާއެއްގެ ޝިކާރައަކަށްވި ލަކްޝީ އަގަރްވާލުގެ ހަޔާތަށް ނެރެފައިވާ ފިލްމެކެވެ.
ފިލްމް ޓްރޭޑް އެނަލިސްޓް ތަރަން އާދާޝް ބުނި ގޮތުގައި ފިލްމް ރިލީޒްކުރި ދުވަހު އިންޑިއާގެ ސިނަމާތަކުން އެ ފިލްމަށް ލިބުނީ 4.77 ކްރޯޑް ރުޕީސްއެވެ. އަދި ހޮނިހިރު ދުވަހު ވަނީ ފިލްމަށް 6.90 ކްރޯޑް ރުޕީސް ލިބިފައެވެ.
ދީޕިކާއާއެކު މި ފިލްމުން ފެނިގެންދާ ތަރިންގެ ތެރޭގައި ވިކްރަންތު މެކްސޭ ހިމެނެއެވެ.
ދަ އިންޑިއަން އެކްސްޕްރެސްގެ ފިލްމް ކްރިޓީކް ޝުބްހަރް ގުޕްތާގެ ފަރާތުން ފިލްމް "ޗަޕާކް" އަށް ލިބިފައިވަނީ 3.5 ތަރީގެ ރިވިއުއެކެވެ.
