ބަފަލޯއެއްގެ ޑީއެންއޭ ޓެސްޓް ހެދުމަށް އެދިއްޖެ
އިންޑިއާގެ އުއްތަރް ޕްރަދޭޝްގެ ސިޓީއެއް ކަމަށްވާ ޝަމްލީގައި މީހަކު ބަފަލޯއެއްގެ ޑީއެންއޭ ހެދުމަށް ސިޓީގެ ފުލުހުންގެ ކިބައިން އެދިއްޖެއެވެ.
ޝަންދްރަޕަލް ސިންގް ނަމަކަށް ކިޔާ އެ މީހާ، ބަފަލޯގެ ޑީއެންއޭ ހެދުމަށް އެދުނީ އެ ބަފަލޯއަކީ އޭނާގެ ބަފަލޯއެއްތޯ ބެލުމަށްކަމަށް ބުނެއެވެ.
އޭނާ ބުނި ގޮތުގައި އެ ބަފަލޯއަކީ މީގެ ހަ މަސް ދުވަސް ކުރިން ވަަގަށް ނަގާފައިވާ ބަފަލޯއެކެވެ. އެ މައްސަލަ ޝަމްލީގެ ފުލުހުންނަށް ހުށަހެޅި ނަމަވެސް މައްސަލަ ރަޖިސްޓާކޮށްފައި ނުވާ ކަމަށް ޝަންދްރަޕަލް ވަނީ ބުނެފައެވެ.
ޝަންދްރަޕަލް ބުނާ ގޮތުން އޭނާގެ ބަފަލޯ ފެނިފައިވަނީ ސަހަރަންޕޫރް ސިޓީއިންނެވެ. ނަމަވެސް ފުލުހުންނަށް އެ ބަފަލޯ ދެނެގަނެވި، އޭނާއާ ހަމައަށް ގެނެސްދެވިފައިނުވާ ކަމަށް ޝަންދްރަޕަލް ވަނީ ބުނެފައެވެ.
ޝަމްލީގެ ސުޕްރިންޓެންޑެންޓް އޮފް ޕޮލިސްއަށް ލިޔުނު ސިޓީގައި ޝަންދްރަޕަލް ބުނީ ގެއްލުނު ބަފަލޯގެ މަންމަ ބަފަލޯ އޭނާގެ ގޭގައި އެބަ އޮތް ކަމަށެވެ. އެހެން ކަމުން ޑީއެންއޭ ޓެސްޓް ހެދުމަށް އޭނާ ވަނީ އެދިފައެވެ.
