ފެންވަރާއިރު ކުރެވޭ ކަމަކުން ސިއްހަތަށް ގެއްލުން ލިބޭކަން އެނގޭތަ؟
ފެންވެރުމަކީ ވަރަށް އާދައިގެ ކަމެއް ކަމަށް ހީވެފައި އޮތް ނަމަވެސް، ފެންވަރާއިރު ކުރެވޭ ބައެއް ކަންކަމުގެ ސަބަބުން ސިއްހަތަށް ހޭދެވޭ އަސަރުކުރާކަން އެނގޭ ހެއްޔެވެ؟
މަސައްކަތުގައި ބުރަކޮށް އުޅުމަށްފަހު، ހޫނު ފެނުން ފެންވަރާލުމަކީ ވަރަށް ގިނަ މީހުން ކުރާ ކަމެކެވެ. މާ ހޫނު ފެނުން ނުވަތަ މާ ގިނައިން ހޫނު ފެނުން ފެންވެރުމަކީ ބޮލުން އިސްތަށި ފޭބުމަށް މެދުވެރިވެދާނެ ކަމެކެވެ. އަދި މިއީ އިންސާނާގެ ހަންގަނޑަށްވެސް ގެއްލުން ލިބޭ ކަމެކެވެ.
ފެންވަރާއިރު، ހަށިގަނޑު އުނގުޅުމަށް ބައެއް މީހުން ބާރތު ބޯލް ބޭނުން ކުރެއެވެ. ދިރާސާ ކުރާ ފަރާތްތަކުން ބުނާ ގޮތުގައި ބާރތު ބޯލަކީ "ޖަރާސީމުގެ ހާއްޔެކެވެ". ބާރތު ބޯލް ބޭނުން ކުރުމުގެ ކުރިން، އެ އޮތީ ސާފުކޮށްތޯ ޔަގީން ކުރާށެވެ. އަދި މަދުވެގެން ކޮންމެ ތިން މަހަކުން ބާރތު ބޯލް އާ ކުރާށެވެ.
ސައިބޯންޏާއި ޝޭމްޕޫ މާ ގިނައިން ބޭނުންކުރުމަކީވެސް ރަނގަޅު ކަމެއް ނޫނެވެ. މިއީ ހަންގަނޑަށް ދެވޭ ގެއްލުމެކެވެ. އަދި ސައިބޯންޏާއި ޝޭމްޕޫ ސާފުކުރުމަށް ހާއްސަ ސަމާލުކަމެއް ދޭށެވެ. ސައިބޯންޏާއި ޝޭމްޕޫ ރަނގަޅަސް ސާފު ނުކުރެވުމަކީ ހަންގަނޑު ހިރުވުންފަދަ ކަންކަން މެދުވެރިވާނެ ކަމެކެވެ.
